جاهينات

[size=21]فتحت شباكى لشمس الصباح

مادخلش منه غير عويل الرياح

وفتحت قلبى علشان ابوح بالألم

ماخرجش منه غير محبه وسماح

وعجبى!!

لا تجبر الأنسان ولاتخيره

يكفيه مافيه من عقل بيحيره

اللى النهارده بيطلبه ويشتهيه

هو اللى بكره ح يشتهى يغيره

عجبى!!
يابو قلب وحيد

يابو قلب وحيد...... انا زيك تعالى

لنا عمر جديد نهايته بعيد ... تعالى

ياغريب الروح ... أليك الروح رسالة

"تعالى"

أنت من غير وانا من غير حنان

ياما قلبى من شقاه دق البيبان

كل باب مقفول على جنينة هنا

وابو قلب وحيد مالوش فيها مكان

فين بلاد الحب فين أرض الهوى

اللى فيها الناس بتتهنى سوا

رد من قلبى كلام قال موش بعيد

ياجريح القلب فى ايدك الدوا

ياغريب ..قلبى انا ارض المعاد

ياصباح الخير على ايامنا الجداد

مد ايدك خد بايدى وابتسم

خد بأيد عمرى وخد عهد الوداد

[/size]

من طرف **elharery2000** الأربعاء أبريل 28, 2010 9:47 pm

شكرا ليك أخي الحبيب محمد

على الكلام الجميل ده

بجد جااااااامد جدا وربنا يوفقك

ونتمنى المزيد

من طرف **سامى عيسى** الإثنين مايو 03, 2010 10:09 am

أخى الحبيب
محمـــــد

شكراً لك على تلك الكلمات الرائعة
وإختيارك الموفق
لإحدى روائع شاعر الشعب
صلاح جاهين

عاطر تحياتى وخالص مودتى

جاهينات

جاهينات

رد: جاهينات

رد: جاهينات